Bu il Ukrayna hökuməti ölkədə pilotsuz təyyarələrin istehsalına 1,1 milyard dollar ayırıb.
Busaat.az xəbər verir ki, bu barədə Ukraynanın Baş naziri Denis Şmıqal məlumat verib.
“Bu il hökumət 40 milyard qrivna (təxminən 1,1 milyard dollar) ayırıb ki, biz bu vəsaiti Ukraynada dron istehsalına yatırırıq”, – Şmıqal deyib.
Nazir əlavə edib ki, hakimiyyət Ukraynaya pilotsuz uçan aparatların ehtiyat hissələrinin idxalı üçün gömrük maneələrini aradan qaldırıb, onların istehsalçılarının mənfəət payını 25 faizə çatdırıb.
Onun sözlərinə görə, hazırda pilotsuz təyyarələrin istehsalı ilə məşğul olan 40-dan çox Ukrayna şirkəti dövlətlə müqavilə bağlayıb və dronların istehsalı xeyli artıb.
Busaat.az
