2023-cü ilin iyulu dünya tarixində ən isti ay ola bilər
2023-cü ilin iyul ayı qlobal tarixdə ən isti ay ola bilər.
Busaat.az xəbər verir ki, bu barədə Avropa Birliyinin Kopernik Yerin müşahidə proqramının məlumatında deyilir.
“İyulun ilk 15 günü temperatur baxımından dünyada qeydə alınan ən isti günlər olub”, – deyə Kopernikdə iqlim müşahidələri şöbəsinin rəhbəri Karlo Buontempo bildirib.
“İqlim dəyişikliyi bütün dünyada iqlim sistemlərinin həddindən artıq istiləşməsinə səbəb olur. Yazdan bəri okeanların həddindən artıq istiləşməsi müşahidə olunur, xüsusilə Atlantik okeanının şimal hissəsində bu hadisənin miqyası və sürəti bütün dünya alimlərini təəccübləndirir”, – o, əlavə edib.
Bu yay dünyanın bir çox ölkəsində rekord yüksək temperatur qeydə alınır, bir sıra rayonlarda su istehlakı məhdudlaşdırılıb, kondisionerlərin işləməsi ilə əlaqədar elektrik enerjisi sərfiyyatı artıb.
Qeyd edək ki, temperatur rekordları Avropa ölkələrində qeydə alınıb.Bura İspaniya, İtaliya, Fransa və digər ölkələr daxildir. Yunanıstanda istilər əlaqədar bir neçə gündür ki, yanğınlar davam edir.
Busaat.az
