Yaponiyanın paytaxtı Tokioda “sıfır karbon” məqsədləri çərçivəsində 2025-ci ildən sonra tikiləcək böyük evlərdə günəş panellərinin quraşdırılması tələb olunacaq.
Busaat.az xəbər verir ki, bu barədə Tokio Böyükşəhər Qubernator Assambleyasında qərar qəbul olunub.
Qəbul edilən yeni qərara uyğun olaraq, paytaxtda “karbon emissiyalarının azaldılmasına töhfə vermək” hədəflənəcək.
Qərara əsasən, 2025-ci ilin aprelindən sonra 2 min kvadratmetrədək yeni yaşayış binalarında bərpa olunan enerji avadanlıqlarının, o cümlədən günəş panellərinin quraşdırılması tələb olunacaq.
Milli mətbuatda yer alan xəbərlərdə, yeni qərarın şəhər daxilində 50 böyük podratçı şirkətin yeni layihələrinə təsir göstərə biləcəyi qeyd edilib.
Paytaxt qubernatoru Koike Yuriko açıqlamasında bildirib ki, şəhər miqyasında binaların 4 faizində artıq bu kimi panellər var.
Qubernatorluq 2000-ci ildəki karbon emissiya səviyyələri ilə müqayisədə 2030-cu ilə qədər istixana qazı emissiyalarını iki dəfə azaltmağı hədəfləyir.
Busaat.az
