334 mindən çox sudanlı evlərini tərk edib - BMT

Bir həftə ərzində 334 mindən çox sudanlının evlərini tərk etmək məcburiyyətində qaldığı və aprelin 15-də ölkədə qarşıdurmaların başladığı vaxtdan bəri məcburi köçkünlərin sayının 3 milyonu keçdiyi açıqlanıb.

Busaat.az xəbər verir ki, bu barədə BMT-nin Humanitar Məsələlərin Əlaqələndirilməsi Ofisi (OCHA)  məlumat yayıb.

OCHA bildirir ki, davam edən müharibə səbəbindən aclıq və köçkünlük nəzarətdən çıxır.

“Cəmi bir həftə ərzində 334 mindən çox insan məcburi köçkün vəziyyətinə düşüb”, – agentlik bildirib.

Aprelin 15-dən bəri 3 milyondan çox insan Sudan daxilində didərgin düşüb və 855 mindən çox sudanlı qonşu ölkələrə qaçmaq məcburiyyətində qalıb.

Agentliy xəbərdarlıq edir ki, 20 milyondan çox sudanlı ciddi ərzaq təhlükəsizliyi ilə üz-üzə qalıb.

Busaat.az