6 yaşlı uşaq sinifdə müəllimini güllələdi
Silahlı hücumların səngimədiyi ABŞ-da 6 yaşlı uşağın sinifdə müəllimini güllələməsi ölkədə şok effekti yaradıb.
Busaat.az xəbər verir ki, ABŞ-ın Virciniya ştatında ölkəni silkələyən atışma hadisəsi baş verib.
Belə ki, 6 yaşlı uşaq sinif otağında müəlliminə atəş açaraq onu ağır yaralayıb. “Richneck” İbtidai məktəbində baş verən hadisə zamanı balaca oğlan qəfildən silahını çıxararaq müəlliminə atəş açıb.
30 yaşlarında olan qadın müəllimin vəziyyətinin ağır olduğu bildirilib. Polis rəsmiləri hadisənin təsadüfi olmadığını, uşağın çantasında gəzdirdiyi silahla mübahisə etdiyi müəlliməni qəsdən güllələdiyini bildirib.
Hadisə zamanı başqa şagirdlərin xəsarət almadığı, kiçik oğlanın nəzarətə alındığı qeyd edilib. Polis kiçik oğlanın silahı haradan aldığını araşdırır.
Məktəb rəsmiləri hadisənin onları şoka saldığını və binalarda metal detektorların olmasına baxmayaraq şagirdlərin silah gəzdirməsinin qarşısının alınmasının çox çətin olduğunu bildiriblər.
Busaat.az
