600-ə yaxın rusiyalı diplomat Qərb ölkələrindən qovulub
2022-ci il fevralın 24-dən bəri Qərb ölkələrindən və ABŞ-ın bəzi Sakit okean müttəfiqlərindən 574 rus diplomatı müxtəlif səbəblərə görə sözügedən ölkələrdən çıxarılıb.
Busaat.az bu barədə TASS-a istinadən xəbər verir.
Bu, indiyə qədərki ən böyük qovulmadır. 2018-ci ildə Skripalın zəhərlənməsi hadisəsinə görə sadəcə 123 rus diplomatı “personae non-qrata” elan edilib.
Qeyd edək ki, rus diplomatların birdəfəlik ən böyük qovulması 2022-ci ilin iyununda baş verib. Bolqarıstan 70 diplomatı ölkədən çıxarıb.
Bundan başqa Polşa, Almaniya, Slovakiya, Fransa, Sloveniya, İtaliya da rusiyalı diplomatları ölkədən çıxarıb. Ümumilikdə 29 Avropa ölkəsi, o cümlədən ABŞ və Yaponiya rus diplomatlarına qarşı qeyri-dost addımlar atıb. Həmçinin on doqquz rusiyalı işçi Rusiyanın Avropa İttifaqındakı nümayəndəliyindən kənarlaşdırırlıb.
Rusiyanın Ukraynada hərbi əməliyyatı başlayandan bəri diplomatik nümayəndəlik səviyyəsi Latviya, Litva və Estoniya tərəfindən aşağı salınıb. 2023-cü il yanvarın 23-də Latviya diplomatik münasibətləri müvəqqəti işlər vəkili səviyyəsinə endirmək qərarı alıb.
Bolqarıstan, Latviya, Litvada və Estoniyada Rusiya konsulluqları bağlanıb.
Ukrayna prezidenti Volodimir Zelenski 2022-ci il fevralın 24-də Rusiya ilə diplomatik əlaqələri kəsib.
Busaat.az
