Cənubi Koreyanın iri avtomobil istehsalçıları Hyundai və Kia yanğın təhlükəsi səbəbindən 91 mindən çox avtomobili ABŞ bazarından geri çağırıb.
Busaat.az bu barədə Reuters-ə istinadən xəbər verir.
Hər iki şirkətin nümayəndələrinin bildirdiyinə görə, 2023-2024-cü il Palisade, Tucson 2023, Sonata və digər modellərə aid Hyundai avtomobilləri, həmçinin 2023-cü ilin Soul və Sportage modellərinə aid Kia avtomobilləri geri çağırılmalıdır.
İstehsalçılar bildirirlər ki, mühərriki tez bir zamanda yenidən işə salmaq üçün nəzərdə tutulmuş “Idle Stop & Go” sisteminin elektron sensorlarında nasaz hissələr ola bilər ki, bu da bəzi hallarda yanacaq nasosunun həddindən artıq istiləşməsinə və yanğına səbəb ola bilər.
Xatırladaq ki, 2023-cü ilin martında Cənubi Koreyanın Hyundai və Kia şirkətləri qısaqapanma və yanğın riski səbəbindən ABŞ-dən 570 mindən çox avtomobili geri çağırıb.
Busaat.az
