ABŞ, BB və Aİ Talibanı qadınlarla bağlı qadağanı aradan qaldırmağa çağırdı

ABŞ, Böyük Britaniya və bir sıra Avropa İttifaqı ölkələrinin də daxil olduğu 12 ölkənin xarici işlər nazirləri Taliban hökumətinin qadınların humanitar yardım qruplarında işləməsini qadağan edən qərarından dönməyə çağırıb.

Busaat.az xəbər verir ki, çağırış ABŞ, Avstraliya, Kanada, Danimarka xarici işlər nazirləri, Fransa, Almaniya, İtaliya, Yaponiya, Norveç, İsveçrə, İngiltərə, Hollandiya kimi dövlətlər tərəfindən edilib.

“Talibanın milli və beynəlxalq qeyri-hökumət təşkilatlarının (QHT) qadın işçilərinin işləməsini qadağan edən təhlükəli əmri, yaşamaq üçün humanitar yardımdan asılı olan milyonlarla əfqanı risk altında qoyur” – deyə, çağırışda qeyd edilib.
Müraciəti imzalayan ölkələrin nümayəndələri Talibanı qərarından dönməyə çağırıblar.

Bəyanatda deyilir ki, Taliban Əfqanıstan xalqının, xüsusilə də qadın və qızların hüquqlarına, azadlıqlarına və rifahına hörmətsizliyini və beynəlxalq ictimaiyyətlə normal münasibətlərə maraq göstərmədiyini göstərməkdə davam edir.

Busaat.az