ABŞ Çin texnologiya şirkətlərinə sanksiya tətbiq edəcək

ABŞ Çinin yaddaş çipi istehsalçısı YMTC-ni və çip sənayesindəki 21 əsas Çin şirkətini qara siyahıya salıb.

Busaat.az xəbər verir ki, bu barədə məlumatı Reuters yayıb.

Məlumata görə, ABŞ-ın bu addımı atmasına səbəb YMTC-nin çip texnologiyasının əsas imkanlarını və texniki biliklərini Vaşinqtonun əvvəllər qara siyahıya aldığı Çin texnologiya nəhəngləri Huawei və Hikvision-a yönləndirə biləcəyi ilə bağlı narahatlıqlarıdır. Bu addım, YMTC təchizatçılarına xüsusi lisenziya olmadan ABŞ-dan süni intellekt məhsullarının tədarükünü qadağan edəcək.

Cambricon Technologies Corp və CETC-nin də daxil olduğu sanksiya siyahısına əlavə edilən 21 Çinli süni intellekt çip istehsalçısı daha sərt cəzalarla üzləşəcək. Belə ki, müvafiq qərar ABŞ hökuməti onların ABŞ avadanlıqları ilə dünyanın istənilən yerində istehsal olunan texnologiyaya çıxışını effektiv şəkildə əngəlləyir.

Busaat.az