ABŞ-da altı yaşlı qız nənəsini tapança ilə vurub
ABŞ-da altı yaşlı nəvəsi tərəfindən vurulan qadın xəstəxanaya yerləşdirilib.
Busaat.az bu barədə Fox News-a istinadən xəbər verir.
Hadisə fevralın 16-da Florida ştatının North Port şəhərində qeydə alınıb. Bel nahiyəsindən güllə yarası alan 57 yaşlı qadın təcili yardım çağırıb. Məlum olub ki, o, öz nəvəsi tərəfindən vurulub.
Avtomobilin arxa oturacağında əyləşən uşaq sürücü oturacağının cibində tapança olan qab tapıb. Silahı əlinə alıb tətiyi çəkən nəvə maşını idarə edən nənəsini vurub.
Qadın təkbaşına avtomobili evə gətirməyə və xilasediciləri çağırmağa nail olub. Hal hazırda qadının həyatı üçün heç bir təhlükə yoxdur.
Busaat.az
