ABŞ Səhiyyə Naziri Xavier Becerra Covid-19 ilə bağlı məhdudiyyətlərin bu gündən etibarən rəsmi olaraq sona çatdığını açıqlayıb.
Busaat.az xəbər verir ki, Becerra verdiyi yazılı açıqlamada ölkənin Covid-19 epidemiyası dövrünün istənilən dövrü ilə müqayisədə daha yaxşı vəziyyətdə olduğunu və bunun ABŞ prezidenti Co Bayden və administrasiyasının verdiyi qərarlarla bağlı olduğunu bildirib.
Covid-19 ilə bağlı qısıtlamaların bu gündən rəsmi olaraq sona çatdığını ifadə edən Becerra deyib: “Son 2,5 ildə çox dərs aldıq. Biz yerli təchizat zəncirində çeviklik yaratmaq, adekvat ehtiyatları təmin etmək üçün potensial yaratmaq və NextGen kimi layihələr vasitəsilə innovasiyaları təşviq etməklə hazırlığımızı və cavab tədbirlərimizi gücləndirməyə çalışmışıq”.
ABŞ Xəstəliklərə Nəzarət və Qarşısının Alınması Mərkəzinin (CDC) paylaşdığı son məlumatlara görə, bu günə qədər ölkədə 104 milyondan çox insan Covid-19-a yoluxub və virusa görə həyatını itirənlərin sayı 1 milyon 131 min 819-a çatıb.
Busaat.az
