ABŞ-da kriptovalyuta birjası FTX-ə qarşı istintaq başladıldı

ABŞ Qiymətli Kağızlar və Birja Komissiyası (SEC), Əmtəə Fyuçers Ticarət Komissiyası (CFTC) və ABŞ Ədliyyə Departamentinin kriptovalyuta birjası FTX ilə bağlı araşdırmaya başladığını bildirib.

Busaat.az xəbər verir ki, ABŞ mətbuatında yer alan xəbərlərə görə FTX-nin likvidlik sıxıntısı zamanı müştəri vəsaitlərini necə idarə etdiyinin araşdırıldığı bildirilib.

SEC və CFTC-nin araşdırmalarının FTX-nin likvidlik böhranı ilə əlaqəli olduğu bildirilərkən, SEC-in aylardır FTX-nin kredit fəaliyyətlərini araşdırdığı qeyd olunub. ABŞ Ədliyyə Nazirliyinin həyata keçirdiyi araşdırmanın isə, dələduzluq kimi qanun pozuntuları ilə bağlı olduğu vurğulanıb.

Digər tərəfdən Bloomberg-in hesabatında vurğulanıb ki, FTX Baş direktoru Sam Bankman investorlara nağd pul mənbəyi tapılmasa şirkətin iflas üçün müraciət etməli ola biləcəyi barədə xəbərdarlıq edib. Bankman-Fried kriptovalyuta birjasının 8 milyard dollarlıq kəsirlə üzləşdiyini bildirib.

Dünyanın ən böyük kriptovalyutası olan Binance-in təsisçisi və baş icraçı direktoru Changpeng Zhao FTX-i almağı planlaşdırdıqlarını açıqlayıb: “İstifadəçiləri qorumaq üçün FTX.com-u tam şəkildə əldə etmək və likvidlik probleminin həllinə kömək etmək üçün məcburi olmayan bir niyyət məktubu imzaladıq”.

Bununla belə Binance tərəfindən verilən ən son açıqlamada, ABŞ-da sui-istifadə ilə bağlı son xəbərlər və araşdırma iddiaları nəticəsində FTX birjasını satın almaq prosesini davam etdirməməyə qərar verdikləri bildirib.

Busaat.az