ABŞ-da qar fırtınası nəticəsində ölənlərin sayı 17-yə çatıb

ABŞ-a təsir edən “Eliott” adlı qar fırtınası nəticəsində ən azı 17 nəfər həyatını itirib, 1 milyondan çox ev və iş yeri işıqsız qalıb.

Busaat.az xəbər verir ki, bu barədə ABŞ Milli Hava Xidməti (NWS) məlumat yayıb.

Məlumata görə, Şimal qütbündən gələn və ölkənin təxminən üçdə ikisinə təsir edən dondurucu küləklərin həftə sonu ölkənin mərkəzi və şərq hissələrinə təsirini davam etdirəcəyi açıqlanıb.

USA Today-in xəbərinə görə, indiyədək ölkə daxilində hava şəraiti ilə bağlı qəzalarda ən azı 17 nəfər həyatını itirib.
Cümə günündən bəri ölənlərin sayı iki dəfə artsa da, qar fırtınasının ən təsirli olduğu ştatlarda zəncirvari qəzalarda onlarla insan yaralanıb.

Rəsmilər bəzi ərazilərdə saatda 115 kilometrə çatan qar fırtınası səbəbindən görmə məsafəsinin sıfıra endiyini bildirib.

Poweroutage-in məlumatına görə, ölkə daxilində 1 milyondan çox ev və müəssisə elektrik kəsintisi ilə mübarizə aparır.

Milli Hava Xidməti ölkənin bəzi bölgələrində son 40 ildə yaşanmayan soyuq hava şəraitinin yaxınlaşdığını açıqlayıb.

Busaat.az