ABŞ Konqresinin aşağı palatası olan Nümayəndələr Palatasının üçüncü turunda palatanın spikeri seçilə bilmədiyi üçün səsvermə növbəti günə təxirə salınıb.
Busaat.az xəbər verir ki, qaydalara görə, qanunverici orqan olan Konqres Nümayəndələr Palatasının sədri seçilənə qədər fəaliyyətə başlaya bilməz.
8 noyabr 2022-ci il aralıq seçkilərindən sonra ilk iclasını keçirən 118-ci ABŞ Konqresinin iki illik yeni qanunvericilik prosesi spiker seçkiləri böhranı ilə başlayıb.
İlk iki turda kifayət qədər səs çoxluğu olmadığı üçün Məclis sədri seçilməyib. Nəticədə deputatlar üçüncü dəfə səsverməyə çıxıblar.
Respublikaçıların əsas lideri Kevin Makkarti son dəfə partiyasından 202 səs toplayıb. İyirmi Mühafizəkar Respublikaçı Cim Cordana səs verib. Bununla da, Makkarti səs çoxluğu qazana bilməyib.
Üç səsvermə zamanı 212 Demokrat üzvün hamısı partiya lideri Hakeem Jeffries-ə səs verməyə davam edib.
ABŞ Nümayəndələr Palatasında son 100 ildə ilk dəfə olaraq hər üç səsvermədə ortaq nəticə əldə olunmadığı üçün spiker seçilə bilmir.
Busaat.az
