ABŞ-ın Tennessi ştatında uranın zənginləşdirilməsi müəssisəsi olan Y-12 Milli Təhlükəsizlik Kompleksində yanğın baş verib.
Busaat.az xəbər verir ki, ABŞ-ın Tennessi ştatının Oak Ridc şəhərində yerləşən ABŞ Energetika Nazirliyinin Milli Nüvə Təhlükəsizliyi Administrasiyasının uranın zənginləşdirilməsi obyekti olan Y-12 Milli Təhlükəsizlik Kompleksində yanğın baş verib.
Y-12 Milli Təhlükəsizlik Kompleksindən verilən açıqlamada binadakı bütün personalın təxliyyə edildiyi, yanğında ölən və yaralanan olmadığı bildirilib. Açıqlamada yanğın nəticəsində ətraf mühitdə radioaktiv çirklənmənin olmadığı, yanğının istehsalat binasında başladığı bildirilib.
Hadisə yerinə çox sayda təcili yardım qrupu göndərilərkən, yanğının nəzarət altına alınaraq söndürüldüyü bildirilib. Yanğında uran birləşməsinin olduğu bildirilərək, yanğının səbəbinin müəyyən edilməsi üçün araşdırmaya başlanıldığı açıqlanıb.
Qeyd edək ki, Y-12 Milli Təhlükəsizlik Kompleksi ilk atom bombası üçün uranın zənginləşdirilməsi üçün Manhetten Layihəsi çərçivəsində inşa edilib.
