ABŞ-dan Ankaranı hiddətləndirəcək qərar: Cənubi Kiprə hərbi dəstək veriləcək

ABŞ Xarici İşlər Nazirliyininin sözçüsü Ned Prays ölkəsinin Cənubi Kiprə tətbiq etdiyi silah embarqosunu ləğv etdiyinə dair yazılı açıqlama verib.

Busaat.az xəbər verir ki, bu barədə ABŞ-lı diplomat mətbuata açıqlamasında bildirib.

“Xarici işlər naziri Antoni Blinken, 2023-cü ilin maliyyə hesabatında müdafiə materiallarının ixracının təsdiqlənməsinə icazə vermək üçün Cənubi Kipr Respublikasının müvafiq qanunvericilik çərçivəsində şərtləri yerinə yetirdiyini müəyyən edib və bu barədə Konqresə məlumat verib. Şərtlərə uyğunluq hər il qiymətləndirilir. Bu təyinat və sertifikatlaşdırma nəticəsində nazir 2023-cü maliyyə ilində Cənubi Kipr Respublikasına tətbiq edilmiş məhdudiyyətlərini ləğv edib” – deyə, diplomat söyləyib.

Qeyd edək ki, 2019-cu il Şərqi Aralıq Təhlükəsizlik və Enerji Tərəfdaşlığı Aktı və 2020-ci il Milli Müdafiə İcazə Aktına əsasən, ABŞ-ın Cənubi Kipr administrasiyasına müdafiə məhsullarının ixracına məhdudiyyət qoyması nəzərdə tutulub.

Busaat.az