ABŞ Dövlət Departamentinin sözçüsü Ned Prays Rusiyanın Ukraynada nüvə silahından istifadə edəcəyi halda cəzasının ağır olacağını söyləyib.
Busaat.az xəbər verir ki, bu barədə Prays günlük mətbuat toplantısında məlumat verib.
“Kremldən yayılan bu cür açıq dezinformasiyaları eşitməkdən narahatıq. Biz Kremlin keçmişini bilirik. Rusiyanın hər hansı bir şəkildə nüvə silahından istifadə etməsi olduqca ağır nəticələnəcək. Bu məsələ ilə bağlı Rusiyaya daha aydın və dəqiq şəkildə xəbərdarlıq edirik, lakin atacağımız addımları ictimaiyyətlə bölüşməyə üstünlük vermirik” – deyə, Prays Rusiya tərəfindən yayılan və guya Ukraynanın “kirli bomba” istifadə etmək niyyətində olduğunu iddia edən fikirləri şərh edərkən bildirib.
Qeyd edək ki, ABŞ, İngiltərə və Fransa Xarici İşlər nazirləri danışıqlardan sonra yaydıqları birgə bəyanatda Rusiyanın iddialarını rədd edərək, gərginliyi artırmaq üçün istifadə olunacaq bəhanələri qəbul etməyəcəklərini bildirib.
Busaat.az
