ABŞ-nin Kentukki ştatında iki hərbi helikopter qəzaya uğrayıb. Ekipaj üzvlərinin vəziyyəti hələlik məlum deyil.
Busaat.az xarici mediaya istinadən xəbər verir ki, ABŞ ordusundan verilən açıqlamada 101-ci hava-desant diviziyasına aid iki “Blackhawk” helikopterinin yerli vaxtla saat 22-də Kentukki ştatının Trigg qraflığında təlim missiyası zamanı qəzaya uğradığı açıqlanıb.
Bildirilib ki, ekipaj üzvlərinin vəziyyəti hələlik məlum deyil.
Kentukki qubernatoru Andy Beshear isə sosial şəbəkədəki paylaşımında can itkisinin ola biləcəyini, Kentukki ştatının polisi və fövqəladə hallar bölməsinin qəzaya müdaxilə etdiyini bildirib.
Qəzanın səbəbi hələlik məlum olmasa da, hadisə ilə bağlı araşdırmalara başlanılıb.
