ABŞ-də universitetdə silahlı hücum: 1 ölü

ABŞ-nin Şimali Karolina Universitetində silahlı hücum olub.

Busaat.az xəbər verir ki, bu barədə yerli polis rəsmiləri mətbuat konfransında bildirib.

Onların sözlərinə görə, atışma nəticəsində adı açıqlanmayan bir müəllim həlak olub.

Şübhəli hadisədən təxminən 3 saat sonra nəzarətə alınıb. Səlahiyyətlilər onun şəxsiyyəti və hücumun səbəbi ilə bağlı məlumat verməyiblər.

Hücumla bağlı araşdırmalar davam edir.

ABŞ-ın Şimali Karolina Universiteti dünən xəbərdarlıq edib ki, kampusda silahlı və təhlükəli adam var.

Polis geniş təhlükəsizlik tədbirləri ilə universitetə ​​giriş-çıxışları bağlayaraq saatlarla şübhəlini axtarıb.

Yeni tədris ilinin ikinci həftəsinə qədəm qoyan Şimali Karolina Universitetində 4 min müəllim, 9 min işçi və 32 min tələbə var.