ABŞ-də xaos: Ölkənin ən mühüm magistral yolu bağlanıb

ABŞ-nin Nyu-York ilə paytaxt Vaşinqton arasında əsas əlaqəni təşkil edən magistral yol tankerin yerüstü keçidi uçurması nəticəsində nəqliyyatın hərəkətinə bağlanıb.

Busaat.az xarici mediaya istinadən xəbər verir ki, Nyu-York ilə paytaxt Vaşinqton arasında əsas əlaqəni təşkil edən İ-95 avtomobil yolunun Filadelfiya şəhərində yerüstü keçid qəzaya uğrayan tankerin yanması nəticəsində dağılıb. Filadelfiya polisi mətbuata açıqlamasında yanan maddələrlə dolu tankerin uzun müddət yandığı və yayılan istinin estakadanın polad konstruksiyasını zədələyərək çökməsinə səbəb olduğu barədə məlumat paylaşıb.

Tankerdən yüksələn alov nəticəsində magistralın hər iki tərəfi təxminən 3,5 kilometr məsafədə nəqliyyat üçün bağlanıb, dövlətlərarası əlaqə yolunda uzun növbələr yaranıb.

Bildirilib ki, hadisə ilə bağlı istintaq davam edir, ölən və yaralanan yoxdur.

Busaat.az