ABŞ-dən iqlim dəyişikliyi aksiyası

ABŞ prezidenti Co Bayden iqlim dəyişikliyinin yaratdığı təbii hadisələrin mənfi təsirlərinə məruz qalan icmalar üçün yeni layihələrini açıqlayıb.

Busaat.az xəbər verir ki, Bayden Kaliforniyanın Palo Alto şəhərində iqlim dəyişikliyi ilə mübarizə siyasətindən danışıb.

O,  dəniz səviyyəsinin qalxması, daşqınlar və iqlim dəyişikliyinin yaratdığı fırtınalardan təsirlənən sahil icmalarına bu problemlərlə mübarizə aparmaq üçün 600 milyon dollar maliyyə yardımı edəcəklərini bildirib.

Bundan başqa, Bayden Energetika Nazirliyinin elektrik şəbəkələrinin modernləşdirilməsi üçün 2 milyard dollardan çox investisiya elan edəcəyini açıqlayıb.

Sonda ABŞ lideri bu ilin sonunda yerli, əyalət, qəbilə və regional liderlərin Ağ Evdə bir araya gələcəyi iqlim dəyişikliyi ilə mübarizəyə həsr olunacaq sammitə ev sahibliyi edəcəklərini də xatırladıb.

Busaat.az