ABŞ administrasiyası strateji neft ehtiyatı üçün avqust ayında 3 milyon barrelə qədər xam neft alacağını açıqlayıb.
Busaat.az xarici mediaya istinadən xəbər verir ki, benzinin ucuzlaşmasına kömək etmək üçün keçən il strateji neft ehtiyatından xam neft satan ABŞ ehtiyatlarını artırmaq üçün xam neft almağa davam edir.
ABŞ Energetika Nazirliyindən verilən açıqlamada avqust ayında tədarük üçün 3 milyon barrelə qədər xam neftin alınacağı bildirilib.
ABŞ prezidenti Co Bayden Rusiyanın Ukraynada başladığı müharibədən sonra ABŞ-də benzinin qiymətinin sürətlə artması fonunda ötən ilin mart ayında ölkənin strateji neft ehtiyatlarından 180 milyon bareldən çox neftin çıxarılmasına icazə verib.
Ölkə ehtiyatlarından neft satışı ilə ABŞ-nin strateji ehtiyatında olan xam neftin nisbəti 1983-cü ildən bəri ən aşağı səviyyəyə enərək enerji təhlükəsizliyi ilə bağlı narahatlıqları artırıb.
Qed edək ki, ABŞ administrasiyası ötən ilin dekabrında strateji neft ehtiyatı üçün fevralda tədarük olunacaq 3 milyon barrel xam neft alacağını açıqlamışdı.
Busaat.az
