Pentaqondan məxfi məlumatlarının sızması Kiyevin hərbi strategiyasına, o cümlədən əks-hücum planlarına təsir göstərməyəcək.
Busaat.az xəbər verir ki, bunu Ukrayna Milli Təhlükəsizlik və Müdafiə Şurasının katibi Aleksey Danilov çərşənbə axşamı Almaniyanın ARD telekanalına müsahibəsində bildirib.
“Əgər kimsə hesab edir ki, bizdə fəaliyyət planının yalnız bir variantı var, deməli, onun reallıqda heç bir əlaqəsi yoxdur. Hətta üç versiya kifayət deyil”, – o deyib.
Danilov iddia edib ki, Kiyev planlaşdırılan əks-hücumun nə vaxt başlayacağına “son anda” qərar verəcək.
CNN-in Ukrayna prezidenti Volodimir Zelenskiyə yaxın mənbəyə istinadən verdiyi məlumata görə, internetdə yayılan sənədlər Kiyevi “müharibə planlarını” dəyişməyə məcbur edib.
“İstənilən halda deyə bilərəm ki, bizim ərazimizlə bağlı planlarımızdan xəbərdar olan insanların sayı son dərəcə məhduddur. CNN-in mənbəyinin bununla hansısa əlaqəsi olduğunu düşünmürəm”, – Danilov deyib.
Danilov iddia edib ki, Kiyev ABŞ, Böyük Britaniya, Almaniya və Polşa kimi əsas müttəfiqləri ilə müntəzəm əlaqə saxlayır, lakin onun sözlərinə görə, müəyyən əməliyyatlar, bölmələrin sayı, şəxsi heyətin növü və yerləşdirmə sahələri haqqında məlumatlar tam məxfi saxlanılır.
Busaat.az
