Ermənistan Ermənistanda Osmanlı siyasi və hərbi liderlərinin və Azərbaycan dövlət rəsmilərinin qətlinin səbəbkarlarına həsr olunmuş Nemesis abidəsini açdıqdan sonra ABŞ Dövlət Departamentinin gündəlik mətbuat konfransında Türkiyənin öz hava məkanını erməni təyyarələri üçün bağlaması gündəmə gəlib.
Busaat.az xəbər verir ki, mövzu ilə bağlı sualı cavablandıran ABŞ Dövlət Departamentinin sözçünün müavini Vedant Patel Türkiyə ilə Ermənistan arasında normallaşma prosesini güclü şəkildə dəstəklədiklərini və bu prosesin təkcə iki ölkə üçün deyil, həm də regionun sabitliyi üçün əhəmiyyətli olduğunu vurğulayıb.
Bununla belə, Patel qeyd edib: “Türkiyənin Ermənistan təyyarələrinin onun hava məkanından istifadə icazəsini dayandıracağını açıqlayıb. Bunu məyusluqla qarşıladıq”.
İki ölkənin hava əlaqələrinin yenidən başlaması ilə bağlı əvvəlki qərarının etimad yaradılması üçün əhəmiyyətli olduğunu ifadə edən Patel bildirib: “Səmimi ümidimiz Türkiyə və Ermənistanın iqtisadi əlaqələri yenidən qurması və nəqliyyat əlaqələrini yenidən açmasıdır”.
Busaat.az
