ABŞ administrasiyası Ukraynaya 285 milyon dollar dəyərində Milli Qabaqcıl Yer-Hava Raket Sistemlərinin (NASAMS) satışını təsdiqləyib.
Busaat.az-ın məlumatına görə, Pentaqonun Müdafiə Təhlükəsizliyi və Əməkdaşlıq Agentliyinin (DSCA) bəyanatında deyilir ki, Ukrayna “LAN/MPQ-64FI Sentinel” radarı, GPS qəbuledicisi, Yanğına Nəzarət Mərkəzi, raket buraxılış sistemi və digər sahə avadanlıqları da daxil olmaqla 285 milyon dollar dəyərində NASAMS sistemi verəcək.
Satışın təsdiqi ilə bağlı Konqresə bildiriş göndərildiyi bildirilən açıqlamada, bununla da Avropada siyasi sabitliyin təmin edilməsi üçün ortaqlıq qurulduğu bir ölkənin təhlükəsizliyinin dəstəklənəcəyi qeyd edilib: “Qərar ABŞ-nin xarici siyasət və milli təhlükəsizlik məqsədlərinə də uyğundur”.
Açıqlamada Ukraynanın Rusiyadan gələn raket hücumlarına qarşı müdafiə qabiliyyətini artırması lazım olduğu vurğulanıb və Ukraynanın bu potensiala çatması və ondan səmərəli istifadə etməsinin ölkədəki kritik infrastrukturların qorunmasına kömək edəcəyinə diqqət çəkilib.
Busaat.az
