ABŞ Dövlət Departamenti prezident Co Baydenin Çin prezidenti Si Cinpini “diktator” adlandıran sözlərinə münasibət bildirib.
Busaat.az bu barədə xarici mətbuata istinadən xəbər verir.
“ÇXR ilə fikir ayrılıqlarımızın olması təəccüblü deyil və Bayden hesab edir ki, dövlət katibinin son səfəri gərginliyi idarə etmək, anlaşılmazlıqları aradan qaldırmaq və yanlış hesablamalardan qaçmaq üçün məsuliyyətli bir yoldur”, – Vedant deyib.
ABŞ lideri daha əvvəl qeyd etmişdi ki, Çin prezidenti Si Cinpinin isti hava balonu hadisəsi ilə bağlı məlumatı yoxdur və buna görə o, “çox üzgündür”, çünki bu, “tiranlar üçün böyük utancdır”.
Xatırladaq ki, Bayden ABŞ dövlət katibi Entoni Blinkenin Çinə səfərinin bitməsindən bir gün keçməmiş Si Cinpin haqqında danışıb. İyunun 18-19-da Çinə səfəri zamanı Blinken ÇXR sədri Si Cinpin, xarici işlər naziri Qin Qanq və Çin Kommunist Partiyasının Xarici Əlaqələr Komissiyasının ofisinin rəhbəri Van Yi ilə görüşlər keçirib.
ABŞ prezidenti Co Baydenin Çin sədri haqqında söylədiyi sözləri şərh edən Çin Xarici İşlər Nazirliyinin sözçüsü Mao Ninq deyib: “Amerika tərəfinin bəyanatları son dərəcə məsuliyyətsizdir, diplomatik etiketi ciddi şəkildə pozur və açıq siyasi təxribatdır”.
Busaat.az
