ABŞ Dövlət Departamentinin baş müşaviri bu həftə Cənubi Qafqaza səfər edəcək

ABŞ Dövlət Departamentinin Qafqaz danışıqları üzrə  baş müşaviri Luis Bono bu həftə Cənubi Qafqaza səfər edəcək.

Busaat.az xəbər verir ki, bu barədə “Azadlıq” radiosunun erməni xidmətinə ABŞ-nin Ermənistandakı səfirliyindən məlumat verilib.

İrəvanda Bono ABŞ-nin sülh prosesinə dəstəyini, davamlı və layiqli sülhə nail olmağın ən yaxşı yolunu müzakirə edəcək.

“Biz ardıcıl olaraq bəyan etmişik ki, regionda sülhün bərqərar olması Qarabağ əhalisinin hüquq və təhlükəsizliyinin təmin edilməsini əhatə etməlidir. Biz Cənubi Qafqaz xalqlarına sülh və sabitlik gətirəcək istənilən prosesi dəstəkləməyə hazırıq”, –  bəyanatda deyilir.

Busaat.az