Viktoriya Nuland təqaüdə çıxan Vendi Şermanın yerinə müvəqqəti olaraq ABŞ dövlət katibinin birinci müavini vəzifəsini icra edəcək.
Busaat.az xəbər verir ki, bu barədə ABŞ dövlət katibi Entoni Blinken məlumat verib.
“Prezident Bayden Viktoriya Nulanddan növbəti birinci müavinimiz təyin olunana qədər dövlət katibinin birinci müavini vəzifəsini icra etməyi xahiş edib. Biz şanslıyıq ki, öz təcrübəsi, bacarığı və Dövlət Departamentinə sadiqliyi ilə əlavə öhdəliklər götürə bilən diplomatımız var”, – məlumatda bildirilir.
Blinkenin sözlərinə görə, Şermanın son iş günü iyulun 28-i olacaq.
Busaat.az
