
ABŞ dövlət katibinin köməkçisinin müavini danışıqlar aparmaq üçün İrəvana gəlib
ABŞ dövlət katibinin köməkçisinin müavini Erika Olson İrəvana gəlib.
Busaat.az xəbər verir ki, bu barədə ABŞ-nin Ermənistandakı Səfirliyinin mətbuat xidməti məlumat yayıb.
Diplomat Ermənistan hakimiyyəti ilə İrəvan və Bakı arasında dialoq, eləcə də ikitərəfli əməkdaşlıq məsələlərini müzakirə edəcək.
Bildirilib ki, aprelin 17-18-də davam edəcək səfər zamanı Olson Baş nazir Nikol Paşinyan, eləcə də vətəndaş cəmiyyətinin nümayəndələri ilə görüş keçirəcək.
Danışıqlar zamanı, həmçinin Ermənistan və Azərbaycan arasında sülh müqaviləsinin imzalanması üçün dialoqun dəstəklənməsi, eləcə də İrəvan və Vaşinqton arasında əməkdaşlıq məsələləri müzakirə olunacaq.
Busaat.az























