
ABŞ əsgəri Pentaqonun dayanacağında ölü tapılıb
ABŞ Müdafiə Nazirliyinin (Pentaqon) dayanacağında bir əsgərin öz maşınında ölü tapıldığı bildirilib.
Busaat.az xəbər verir ki, mövzu ilə bağlı verdiyi yazılı açıqlamada Pentaqon sözçüsü briqada generalı Patrik Rayder yerli vaxtla saat 15:30-da dayanacaqda bir əsgərin vəziyyətini yoxlamaq üçün Pentaqon polisinin hadisə yerinə gəldiyini bildirib.
“Polis əsgəri öz maşınında ölü tapdı”, – Rayder deyib.
Hadisə yerinə gələn Arlinqton Təcili Tibbi Yardım qrupları sözügedən əsgərin öldüyünü təsdiqləyib.
Faktla bağlı araşdırmalar davam edir.
Busaat.az























