ABŞ NATO-nun şərq cinahında müdafiəni gücləndirmək üçün yaxın həftələrdə Estoniyaya əlavə piyada birlikləri göndərəcək.
Busaat.az xəbər verir ki, bunu Estoniya Müdafiə Nazirliyinin rəsmiləri Reuters agentliyinə bildiriblər.
Sözügedən bölmə adətən 80-250 əsgərdən ibarət ABŞ piyadalarıdır. Yerləşdirmə HIMARS artilleriya raket sistemi, həmçinin müvafiq avadanlıq və komanda və idarəetmə sistemləri ilə müşayiət olunacaq.
Estoniyanın Müdafiə naziri Hanno Pevkur deyib: “Bu qərar ABŞ-ın Estoniya və Baltikyanı ölkələrdəki rotasiya hərbi mövcudluğunun əhəmiyyətli dərəcədə genişlənməsinə işarədir. ABŞ-ın regionumuzun təhlükəsizliyinə uzunmüddətli sadiqliyini nümayiş etdirir və NATO-nun mövqeyini xeyli gücləndirir”.
Qeyd edək ki, Estoniya tərəfi keçən həftə ölkənin 200 milyon dollar dəyərində ən böyük silah alışı layihəsinin bir hissəsi olaraq qabaqcıl HIMARS sistemlərini alacağını bildirib.