Vaşinqton gələn həftənin əvvəlində Kiyevə növbəti hərbi yardım paketini elan edə bilər.
Busaat.az xəbər verir ki, bu barədə “Politico” qəzeti yazır.
“Bayden administrasiyasının Ukraynaya göndərdiyi son hərbi yardım paketi 400 milyon dollar təşkil edib”, – hesabatda deyilir.
Yeni paketə daxil ola biləcək silah və avadanlıqlar barədə əlavə məlumat verilmir.
Rusiyanın ABŞ-dəki səfiri Anatoli Antonov daha əvvəl qeyd etmişdi ki, Vaşinqtonun hərəkətləri “əxlaqdan və sağlam düşüncədən kənardır”.
Diplomat bəyan edib ki, ABŞ özünü Ukraynanın fədakar xeyriyyəçisi kimi təqdim etməyə çalışır və öz siyasətinin əsl məqsədlərini gizlətməklə ictimai rəyi manipulyasiya edir.
Busaat.az
