ABŞ hamını Ukrayna münaqişəsinə sürükləmək istəyir - Viktor Orban

ABŞ hər kəsi Ukraynadakı hərbi münaqişəyə cəlb etmək məqsədindən əl çəkməyib, lakin Macarıstan sülhün tərəfində qalacaq.

Busaat.az xəbər verir ki, bu sözləri Macarıstanın baş naziri Viktor Orban “Kossuth” radiostansiyasına deyib.

Baş nazir bildirib ki, ABŞ Ukraynanı silahla təmin edir və davam edən hərbi əməliyyatları dəstəkləyir. Bununla əlaqədar olaraq o, münaqişənin yeni dünya müharibəsinə çevrilməsi təhlükəsinin hər keçən gün artdığını bir daha xatırladıb.

“Dünya müharibəsi başlayarsa, bu, nüvə müharibəsi olacaq”, – Orban əlavə edib.

Məhz buna görə Macarıstan mümkün qədər tez atəşkəs əldə olunmasını və Ukrayna münaqişəsinin həlli üzrə sülh danışıqlarının başlanmasını dəstəkləyir.

Busaat.az