ABŞ hərbi qüvvələri İrana zərbələr endirməyib - Pentaqondan AÇIQLAMA

ABŞ hərbi qüvvələri İsfahandakı hərbi zavoda dron hücumları həyata keçirməyib .

Busaat.az xəbər verir ki, bu sözləri Pentaqonun mətbuat katibi Patrik Rayder bildirib.

Reuters bildirib  ki, o, əlavə şərh verməkdən imtina edib. Həmçinin, bir sıra ABŞ rəsmiləri xəbər agentliyinə Vaşinqtonun İsfahan hadisəsində iştirak etmədiyini bildiriblər.

Yanvarın 29-da İRNA xəbər agentliyi İranın mərkəzində yerləşən İsfahan şəhərində güclü partlayışın baş verdiyini bildirib. Daha sonra İran Müdafiə Nazirliyi hərbi agentliyin mərkəzlərindən birinə uğursuz pilotsuz təyyarə hücumu edildiyini bildirib.

Bəyanatda rəsmi Tehranın hücumda kimlərdən şübhələndiyi açıqlanmayıb.

“Wall Street Journal” ABŞ rəsmilərinə istinadən iddia edib ki, İsfahandakı pilotsuz təyyarə hücumunun arxasında İsrail dayanır.  Ərəbiyyə telekanalı isə öz mənbələrinə istinadən zərbənin ABŞ Hərbi Hava Qüvvələri və başqa ölkə tərəfindən endirildiyini bildirib.

Ağ Ev, Dövlət Departamenti və Pentaqon TASS-ın İsfahan hadisəsini şərh etmək istəyinə hələ cavab verməyib.

Busaat.az