ABŞ ilə münaqişənin ən qaynar mərhələsindəyik - Rusiya

Rusiya ABŞ-lə münaqişənin ən qaynar mərhələsindədir.

Busaat.az xəbər verir ki, bu sözləri Rusiya xarici işlər nazirinin müavini Sergey Ryabkov bildirib.

İki ölkə arasında münasibətlərin kifayət qədər gərgin olduğuna diqqət çəkən Ryabkov deyib: “Hazırda ABŞ ilə münaqişənin ən qaynar mərhələsindəyik. ABŞ-nin müxtəlif aspektlərdə Rusiya ilə birbaşa hibrid müharibəsində iştirak etdiyini müşahidə edirik”.

Nüvə münaqişəsi ilə bağlı çox danışıldığını xatırladan diplomat bildirib ki, Rusiya hər zaman nüvə müharibəsinin qalibi olmayacağını bəyan edib.

Ryabkov onu da qeyd edib ki, ABŞ-nin Rusiyanın suverenliyi və ərazi bütövlüyünün pozulması halında “hər cür tədbir görmək, hər vasitədən istifadə etmək” əzmini qiymətləndirməməsi “ölümcül səhv” olacaq.

Busaat.az