
ABŞ-ın daha bir ştatında fövqəladə vəziyyət elan olundu
ABŞ-da Kaliforniyanın qubernatoru Gevin Nyusom ştatda meymunçiçəyinin yayılması səbəbindən fövqəladə vəziyyət elan edib.
Bu barədə Busaat.az “Associated Press” agentliyinə istinadən xəbər verir.
Nyusomun sözlərinə görə, fövqəladə vəziyyət rejiminin tətbiqi ştata ümumdövlət cavab tədbirlərini koordinasiya etməkdə, insanlar arasında maarifləndirmə aparmaqda kömək edəcək.
Qeyd olunur ki, Kaliforniya 61 mindən çox doza vaksin alıb.
Daha əvvəl Nyu-York ştatında və San-Fransisko şəhərində meymunçiçəyi səbəbindən fövqəladə vəziyyət rejimi elan olunmuşdu.
İndiyədək ABŞ-da meymunçiçəyinə 5 mindən çox yoluxma qeydə alınıb.























