Vaşinqtonun “Şimal axını” partlayışlarının araşdırılmasına ehtiyacı yoxdur, çünki “üzə çıxan həqiqət” onu təhdid edir və birbaşa zərər verir.
Busaat.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova bildirib. “Bu təhqiqat təkcə ABŞ və onların cinayət ortağı kimi daxil etdikləri bütün şəxslər üçün lazımsız deyil, həm də onlara birbaşa zərər verəcək”, – diplomat deyib.
Qeyd edək ki, BMT Təhlükəsizlik Şurası Rusiya və Çinin “Şimal axını” boru kəmərlərində təxribatla bağlı beynəlxalq araşdırmaya dair qətnaməsini dəstəkləməyib. Sənədi yalnız üç ölkə dəstəkləyib. Beləliklə, qətnamənin təsdiqlənməsi üçün lazım olan doqquz səs toplanmayıb.
Qətnamə layihəsində BMT-nin baş katibi Antonio Quterreşə “Şimal axını 1 və 2” qaz kəmərlərində təxribat aktının bütün aspektləri, o cümlədən onların müəyyənləşdirilməsi ilə bağlı hərtərəfli, şəffaf və qərəzsiz beynəlxalq təhqiqat aparmaq üçün müstəqil beynəlxalq təhqiqat komissiyasının yaradılması təklif edilir.
Busaat.az
