ABŞ-ın kommersiya məqsədilə istifadə etdiyi xam neft ehtiyatları keçən həftə əvvəlki həftə ilə müqayisədə təxminən 5 milyon 200 min barrel azalıb.
Busaat.az xəbər verir ki, ABŞ Enerji İnformasiya İdarəsi (EIA) ölkədəki xam neft ehtiyatlarının keçən həftə təxminən 5 milyon 200 min barrel azalaraq 413 milyon 900 min barrelə düşdüyünü açıqlayıb.
Məlumata görə, azalma qeydə alınan tarix üçün bazar gözləntisi, ehtiyatların 3 milyon 900 min barrel azalacağı idi.
Kommersiya məqsədilə istifadə edilən xam neft ehtiyatlarına daxil olmayan strateji xam neft ehtiyatları isə 2 milyon 100 min barrel azalaraq 387 milyon barrelə düşüb.
Sözügedən dövrdə ABŞ-ın benzin ehtiyatları 5 milyon 300 min barel artaraq 219 milyon 100 min barrel olaraq qeyd edilib.
ABŞ-ın xam neft idxalı əvvəlki həftəyə nisbətən gündəlik orta hesabla 24 min barrel azalaraq 6 milyon 12 min barrelə düşərkən, neft ixracı isə 1 milyon 518 min barrel azalaraq 3 milyon 430 barrel civarında dəyişib.
EIA-nın “Dekabr 2022 Qısamüddətli Enerji Görünüşü Hesabatı”na görə, ABŞ-ın orta gündəlik xam neft hasilatının 2022-ci ildə 11 milyon 870 min barrel, gələn il isə 12 milyon 340 min barrel olacağı gözlənilir.
Busaat.az
