ABŞ iranlı etirazçıların internetə girişini, o cümlədən təhlükəsiz şəkildə sosial platformalara çıxışını asanlaşdırır.
Busaat.az xəbər verir ki, bu barədə ABŞ prezidenti Coe Bayden bildirib.
“Mən İranda bərabər hüquqlarını və əsas insan ləyaqətini tələb edən tələbələr və qadınlar da daxil olmaqla dinc nümayişçilərə qarşı şiddətli repressiyaların güclənməsi ilə bağlı xəbərlərdən ciddi şəkildə narahatam. Bu həftə ABŞ dinc nümayişçilərə qarşı zorakılıq törədənlərə qarşı əlavə sanksiyalar tətbiq edəcək. Biz iranlıların sərbəst şəkildə etiraz etmək hüquqlarını dəstəkləməyə davam edəcəyik” –deyə, Coe Bayden əlavə edib.
“ABŞ iranlıların internetə girişini, o cümlədən təhlükəsiz şəkildə sosial platformalara çıxışını asanlaşdırır. Birləşmiş Ştatlar həmçinin vətəndaş cəmiyyətini sıxışdırmaq üçün zorakılıq tətbiq edən Əxlaq Polisini, eyni zamanda İran rəsmilərini və qurumlarını da məsuliyyətə cəlb edir” –deyə, Bayden vurğulayıb.
Busaat.az
