ABŞ İranın ballistik raket sınağına reaksiya verdi

image-imagesbackend

“İranın ballistik raketlərinin hazırlanması və yerləşdirilməsi regional və beynəlxalq təhlükəsizliyə ciddi təhdid yaradır”.

Busaat.az xəbər verir ki, bunu ABŞ Dövlət Departamentinin sözçüsü Mett Miller deyib.

İranın ballistik raket proqramının daha da irəliləyişinin qarşısını almaq, raketlərin və əlaqəli texnologiyanın digər ölkələrə yayılmasının qarşısını almaq üçün sanksiyalar da daxil olmaqla müxtəlif ehtiyat vasitələrindən istifadə etməyə davam etdiklərini bildirən Miller deyib:

“BMT Təhlükəsizlik Şurasının 2231 saylı qətnaməsi çərçivəsində İranın raket proqramı fəaliyyətlərinə qoyulan məhdudiyyətlərə baxmayaraq, İran qətnamənin müddəalarına zidd olaraq xarici təchizatçılardan müxtəlif raket texnologiyaları almağa və ballistik raket sınaqları keçirməyə davam edir. Daha əvvəl dediyimiz kimi, İranın nüvə gücünə sahib olması təxribatçı hal ola bilər, buna görə də biz İranın nüvə silahı əldə etməsinin qarşısını almaqda qətiyyətliyik”.

Qeyd edək ki, İran paytaxt Tehranda yüksək səviyyəli hərbçilərin iştirakı ilə keçirilən proqramda Xeybər (Hürrəmşəhr-4) adlı orta mənzilli ballistik raketini təqdim edib.

Dövlət televiziyası raketin buraxılması və sonra hədəfi vurması görüntülərini də nümayiş etdirib.

Qurudan quruya 2 min kilometr məsafəyə qədər hədəfi vura bilən maye yanacaqla işləyən ballistik raket “Xeybər” 1500 kiloqram döyüş başlığı daşıya bilir.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90