ABŞ istənilən “taxıl sövdələşməsi” ssenarisinə hazırdır - Sallivan

ABŞ “taxıl sövdələşməsi” ilə bağlı hadisələrin “istənilən ssenarisinə” hazırdır.

Busaat.az xəbər verir ki, bu sözləri Ağ Evin milli təhlükəsizlik müşaviri Ceyk Sullivan CBS telekanalına müsahibəsində deyib.

Onun fikrincə, Rusiyanın “Qara dəniz təşəbbüsündən” imtina etməsi ona gələcəkdə “böyük diplomatik itkilər” bahasına başa gələcək.

“Əgər onlar doğrudan da ondan əl çəksələr, dünyanın qalan hissəsi baxıb deyəcək ki, Rusiya bütün Cənubi Afrika, Latın Amerikası və Asiyanı münasib qiymətə ərzaqla təmin etmək imkanından üz çevirib. Hesab edirəm ki, bu, gələcəkdə Rusiya üçün böyük diplomatik itkilərə səbəb olacaq. Bu, Vladimir Putin üçün seçimdir. ABŞ istənilən ssenariyə hazırdır və bu məsələdə ukraynalılarla yaxından işləyir”, –  Sallivan bildirib.

Qeyd edək ki, bundan əvvəl Rusiya prezidenti Vladimir Putin Cənubi Afrika Respublikasının Prezidenti Siril Ramafosa Rusiya ərzaq və gübrələrinin ixracına maneələrin aradan qaldırılması ilə bağlı müvafiq Rusiya-BMT memorandumunda nəzərdə tutulan öhdəliklərin hələ də yerinə yetirilmədiyini bildirib. Üstəlik, ehtiyacı olan ölkələrə, o cümlədən Afrika qitəsinə taxıl tədarükü olan sövdələşmənin əsas məqsədi həyata keçirilməyib.

Busaat.az