ABŞ cümə günü Ukraynaya minlərlə kasetli sursat göndərəcəyini elan edəcək.
Busaat.az xəbər verir ki, bu barədə Associated Press qərarla tanış olan insanlara istinadən məlumat yayıb.
Məlumata görə, Kiyevə yeni hərbi yardım paketinin dəyəri 800 milyon dollara qədərdir.
The Washington Post yazıb ki, Bayden administrasiyasının qərarı, əksər ölkələrin qadağan etdiyi sursatların göndərilib-göndərilməməsi ilə bağlı aylarla davam edən daxili müzakirələrdən sonra qəbul olunub. Qəzetin qeyd edir ki, nəzərdən keçirilən silah M864 artilleriya mərmisi ilk dəfə 1987-ci ildə istehsal edilib. O, ABŞ və digər Qərb ölkələrinin Ukraynaya tədarük etdiyi 155 millimetrlik haubitsalardan atılır.
Pentaqonun sözçüsü Patrick Ryder bildirib ki, ABŞ Ukraynanı dinc əhali üçün ən az təhlükə yaradan kaset sursatları ilə təmin etməyə hazırdır.
Partlayış zamanı kaset sursatları onlarla kiçik bombaları böyük bir əraziyə səpələyir. Əgər partlamasa, bu bombalar uzun illər mülki əhali üçün təhlükə olaraq qalacaq.
Qeyd edək ki, Kasetli Sursatlar üzrə Konvensiya 2008-ci ildə imzalanıb və 2010-cu ildə qüvvəyə minib.Bugünədək ona 111 ölkə qoşulub. Daha 12 ölkə sənədi imzalasa da, hələ ki, ratifikasiya etməyib.
Busaat.az
