ABŞ Məxfi Xidməti Ağ Evdə tapılan kokainlə bağlı araşdırmanı dayandırıb

ABŞ Məxfi Xidməti Ağ Evdə kokain tapılması ilə bağlı təhqiqatı başa çatdırdığını açıqlayıb.

Busaat.az Reuters-ə istinadən  xəbər verir ki, ekspertlər kokain paketinin üzərində heç bir barmaq izi tapmayıblar.

Xidmətin yaydığı açıqlamada bildirilib ki, kameraların video çəkilişlərində də şübhəli heç nə aşkar edilməyib.

Xatırladaq ki, iyulun 2-də Ağ Evdə içərisində naməlum ağ toz olan paket tapılıb.  Təhlükəsizlik məqsədilə prezidentin əməkdaşları təcili təxliyə edilib.

ABŞ prezidenti Co Bayden həmin gün ailəsi ilə birlikdə Kemp Devid iqamətgahında olub.

Mütəxəssislər tozun kokain olduğunu müəyyən ediblər.

Busaat.az