ABŞ neft ehtiyatından 15 milyon barel istifadə etməyi planlayır

ABŞ prezidenti Coe Bayden neft ehtiyatlarından 15 milyon barel neft istifadə etməyi planladığını bildirib.

Busaat.az xəbər verir ki, bu barədə Ağ Evdən verilən açıqlamada bildirilib. Açıqlamada, Enerji Nazirliyinin 15 milyon barel neftə satış üçün icazəni nəzərdə tutan bildirişi yayımlayacağı qeyd olunub.

Qeyd edək ki, ABŞ prezidenti Mart ayında bütün ölkədə neft qiymətlərini azaltmağa yardım etmək üçün neft ehtiyatlarından toplam 180 milyon barel neftin bazara çıxarılmasına icazə verib. Bayden keçən həftə ölkədəki neft qiymətlərinin çox yüksək olduğuna işarə edərək, bu mövzuda yeni addımların atılacağını söyləyib.

Busaat.az