ABŞ-nin İndiana ştatında təkrar emal müəssisəsində baş verən yanğınla əlaqədar 2000 nəfərin təxliyəsi üçün hazırlıqların görüldüyü bildirilib.
Busaat.az xəbər verir ki, Wayne County səlahiyyətliləri tərəfindən edilən açıqlamada, Richmond şəhərindəki obyektin ətrafında yaşayan yerli camaatdan 2000 nəfərin “yanğının zəhərli qaz yaydığı və günlərlə yanması gözlənildiyi” üçün evakuasiya edilə biləcəyi ifadə edilib.
İndiana ştatının yanğınsöndürmə rəisi Stiv Cons keçirdiyi mətbuat konfransında müəssisədə yanan əşyalar arasında plastiklərin olduğunu, dünən başlayan və kilometrlərlə məsafəyə yayılan qara tüstünün “tamamilə zəhərli” olduğunu bildirib.
Cons yanğın yerindən 800 metrə qədər olan ərazidə məskunlaşmış sakinlər üçün təxliyə əmri verildiyini və küləyin istiqamətinə görə qərarın dəyişdirilə biləcəyini qeyd edib.
Busaat.az
