Moskva Pentaqonun sənədlərinin qəsdən sızmasında dezinformasiya məqsədinin olmasını istisna etmir.
Busaat.az xəbər verir ki, bu sözləri Rusiya Xarici İşlər Nazirinin müavini Sergey Ryabkov bildirib.
“Bizim mövqeyimiz yoxdur. Yəqin ki, kimsə bu sənədlərə baxmaqda maraqlıdır, əgər onlar ümumiyyətlə sənəddirsə, bəlkə də bu saxta, məqsədyönlüdür. Çünki ABŞ münaqişə tərəfidir və faktiki olaraq bizə qarşı hibrid müharibə aparır, Rusiya Federasiyasını çaşdırmaq üçün belə hiylələrə əl atması mümkündür. Etiraf edirəm ki, burada müxtəlif ssenarilər düşünülə bilər”, – Ryabkov deyib.
Qeyd edək ki, bundan əvvəl KİV Pentaqonun sosial şəbəkədə Ukrayna qoşunlarının vəziyyətini, ABŞ və NATO-nun onları gücləndirmək planlarını təsvir edən materialların sızmasını araşdırdığını yazmışdı.
Busaat.az
