ABŞ-nin Suriyadakı bazası VURULDU - İran izi

Dünən Suriyanın şərqində ABŞ əsgərlərinin yerləşdiyi hərbi bazaya raket zərbəsi endirilməsi barədə xəbər yayılıb. Suriyanın şərqindəki ABŞ hərbi bazasını hədəf alan raket hücumu nəticəsində xəsarət və dağıntı olmayıb.

Busaat.az xəbər verir ki, bu barədə ABŞ ordusu məlumat yayıb.

Hücuma görə məsuliyyəti heç kim üzərinə götürməsə də, hadisə nəticəsində ölən və ya yaralananların olmadığı bildirilir.

Böyük Britaniyada yerləşən Suriya İnsan Haqları Müşahidə Qrupu hücumun arxasında Suriyanın şərqində yerləşən İran tərəfindən dəstəklənən silahlıların ola biləcəyini iddia edib.

Martın sonunda ABŞ qüvvələri Suriyada İran İnqilab Keşikçiləri Qvardiyasına bağlı qrupların yerləşdiyi ərazilərə hava zərbələri endirib.

Suriyada ən azı 900 ABŞ əsgərinin olduğu məlumdur.

Busaat.az