Çinin Müdafiə Nazirliyi Amerikanın Tayvana silah tədarükünün adanı barut çəlləyinə çevirə biləcəyini açıqlayıb.
Busaat.az bu barədə TASS-a istinadən xəbər verir.
Sənəddə qeyd olunub ki, Çin Vaşinqtonun Tayvana silah tədarükündən çox narahatdır. ABŞ Pekinin narahatlığına cavab vermir və Tayvan boğazında gərginliyin səviyyəsini yüksəltməyə çalışaraq, Çinin daxili işlərinə kobud şəkildə müdaxilə edir və Tayvan xalqını fəlakətin astanasına itələyir.
Çin Müdafiə Nazirliyinin açıqlamasında Pekinin Amerika tərəfinə “vahid Çin” prinsipinə əməl etmək çağırışı ilə bağlı məlumat verilib, Tayvana silah satışının dərhal dayandırılmasının vacibliyi vurğulanıb. Çin ABŞ-dən Tayvanla istənilən formada hərbi əlaqələri dayandırmağı tələb edir.
Qeyd edilib ki, Çin ordusu milli suverenliyi və ərazi bütövlüyünü qətiyyətlə qorumaq, habelə Tayvan boğazında sülh və sabitliyi qorumaq məqsədilə daim yüksək döyüş hazırlığı vəziyyətindədir.
Busaat.az
