ABŞ Pekinlə münasibətlərdə irəliləyiş gözləyir - Blinken

ABŞ Çinlə kommunikasiya kanallarının saxlanmasını vacib hesab edir və Pekinin “niyyətlərinə aydınlıq gətirməsi” şərti ilə münasibətlərdə irəliləyiş gözləyir.

Busaat.az xəbər verir ki, bunu ABŞ-nin dövlət katibi Entoni Blinken deyib.

Onun sözlərinə görə, Çin tərəfi öz niyyətlərini aydınlaşdırmalıdır.

“Biz hesab edirik ki, kommunikasiya xətlərinə malik olmaq, münasibətləri canlandıran geniş spektrli məsələlərdə iştirak etmək vacibdir, lakin eyni zamanda inanırıq ki, dünya ölkələri bizdən Çinlə münasibətləri məsuliyyətlə idarə etməyimizi gözləyir və bu, qarşılıqlı fəaliyyətdən başlayır”, – Blinken bildirib.

Qeyd edək ki, ABŞ və Çin arasında münasibətlər keçən il avqustun əvvəlində ABŞ Konqresinin Nümayəndələr Palatasının o zamankı spikeri Nensi Pelosinin adaya səfəri fonunda nəzərəçarpacaq dərəcədə gərginləşib.

Busaat.az