“Busaat.az” xəbər verir ki, Tramp jurnalistin “Yeni Papanın kim olmasını istərdiniz?” sualına zarafatla cavab verərək, “Papa olmaq istərdim. Bu mənim bir nömrəli seçimim olardı,” deyib.
Bir müddətdir tənəffüs yolları ilə bağlı problemlər yaşayan Katolik dünyasının dini lideri Papa Fransisk 21 aprel tarixində 88 yaşında dünyasını dəyişib.
Papa Fransiskin nəşi 3 gün boyunca Müqəddəs Pyotr Bazilikasında ziyarətçilərin üzünə açıq saxlanılıb və xristian ənənəsinə uyğun olaraq əbədi həyata yola salınıb.
Dəfn mərasimindən sonra isə dünya ictimaiyyətinin diqqəti yeni Papanın kim olacağına yönəlib.
Tramp Ağ Evdə, Miçiqan ştatına səfərindən öncə jurnalistlərin suallarını cavablandırarkən verdiyi zarafatlı açıqlama ilə sosial şəbəkələrdə geniş yayılıb.
Sosial media istifadəçiləri Trampın “Papa” libasında montaj edilmiş fotolarını paylaşaraq “Papa Tramp” etiketi ilə trend yaradıblar.
Nərmin Səmidova
Busaat.az
